١٣٨٦: حطان بن عبداللہ نے حضرت ابو موسیٰ اشعری (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) نے نماز سکھائی اور فرمایا جب امام تکبیر کہے تو تکبیر کہو اور جب وہ رکوع کرے تو رکوع کرو اور جب وہ سجدہ کرے تو تم بھی سجدہ کرو اور جب وہ سمع اللہ لمن حمدہ کہے تو اللہم ربنا ولک الحمد کہو اللہ تعالیٰ تمہاری فریادوں کو سننے والا ہے اللہ تعالیٰ نے اپنے پیغمبر (صلی اللہ علیہ وآلہ وسلم) کی زبان سے فرمایا سمع اللہ لمن حمدہ اللہ تعالیٰ نے اس کی سن لی جس نے اس کی تعریف کی۔
تخریج : بخاری فی الصلاۃ باب ١٨‘ الاذان باب ٨٢‘ ١٢٨‘ التقصیر باب ١٧‘ مسلم فی الصلاۃ ٦٢؍٧٧‘ ٨٦؍٨٧‘ ٨٩‘ ابو داؤد فی الصلاۃ باب ٦٨‘ ١٧٨‘ ترمذی فی الصلاۃ باب ١٥٠‘ نسائی فی الامامہ باب ٣٨‘ والافتتاح باب ٣٠‘ والتطبیق باب ٢٣‘ ١٠١‘ والسہو باب ٤٤‘ ابن ماجہ فی الاقامہ باب ١٣‘ ٤١؍١٤٤‘ دارمی فی الصلاۃ باب ٧١‘ ٩٢‘ مسند احمد ٢؍٢٣٠؍٣١٤‘ ٣١٤؍٣٧٦‘ ٤٢٠؍٤٣٨‘ ٤٤٠؍٤٥٢‘ ٣؍١١٠‘ ٤؍٤٠١؍٤٠٥۔
نمبر !: اس میں امام ابوحنیفہ ومالک سفیان (رح) کا قول یہ ہے کہ امام سمع اللہ لمن حمدہ پر مامور ہے اور مقتدی کا وظیفہ ربنا ولک الحمد ہے ایک دوسرے کے وظیفہ کو بدلنا درست نہیں۔
نمبر ": مؤقف ثانی امام شافعی ‘ ابو یوسف ‘ محمد ‘ طحاوی (رح) کے ہاں امام ربنا ولک الحمد بھی کہے البتہ مقتدی صرف ربنا ولک الحمد کہے گا۔
مؤقف ِاوّل :
امام صرف سمع اللہ لمن حمدہ کہے مقتدی صرف ربنا ولک الحمد کہے جیسا کہ یہ روایات دلالت کرتی ہیں۔