١٣٩٦: ابو عمرو المنبہی نے ابو جحیفہ (رض) سے روایت نقل کی کہ میں نے جناب نبی اکرم (صلی اللہ علیہ وآلہ وسلم) کے پاس نصیب کا ذکر کیا بعض لوگوں نے کہا فلان کے نصیب میں تو اونٹ اور بعض کے نصیب میں گھوڑے ہیں۔ جناب رسول اللہ (صلی اللہ علیہ وآلہ وسلم) خاموش رہے جب آپ نماز پڑھنے کھڑے ہوئے اور رکوع سے سر مبارک اٹھایا تو اس طرح کہا اللہم ربنا لک الحمد مل السماء وملء الارض وملء ماشئت من شئی بعد لا مانع لما اعطیت ولا معطی لما منعت ولا ینفع ذا الجد منک الجد اے اللہ جو کہ ہمارا راب ہے تیرے لیے تعریف آسمان بھر کر اور زمین بھر کر اور اس کے بعد جو چیز آپ کی پسند ہو وہ بھر کر جو آپ دینا چاہیں اسے کوئی روکنے والا نہیں اور جو آپ روک دیں اسے کوئی دینے والا نہیں کسی نصیب والے کو آپ کے عذاب سے چھڑانے کے لیے اس کا نصیب کام نہ دے گا۔ ان آثار میں اس بات کی کوئی دلیل نہیں کہ آپ امامت کی حالت میں یہ کہتے تھے اور نہ اس میں سے کسی بھی چیز پر دلالت کرتا ہے۔ البتہ یہ بات ثابت شدہ ہے کہ جو شخص اکیلا نماز ادا کرے وہ ” سمع اللّٰہ لمن حمدہ ربنا ولک الحمد “ کہے۔ پس ہم جانتے ہیں کہ اس پر غور کریں کیا جناب رسول اللہ (صلی اللہ علیہ وآلہ وسلم) سے ایسی چیز مروی ہے جو امام کے متعلق اس کا حکم واضح کر دے کہ آیا وہ تنہا نماز پڑھنے والے کی طرح کہے یا نہ۔
تخریج : ابن ماجہ فی الاقامہ باب ١٨۔
حاصل آثار :
ان روایات سے یہ معلوم ہو رہا ہے کہ آپ سمع اللہ لمن حمدہ کے ربنا لک الحمد کہا کرتے تھے اگرچہ اس بات کا ثبوت نہیں کہ آپ اس کو اس وقت پڑھتے تھے جب آپ امام ہوتے اور نہ ان آثار میں کوئی ایسی دلیل ہے جو اس میں سے کسی بھی چیز پر دلالت کرے البتہ ان روایات سے یہ بات تو ثابت ہوتی ہے کہ جو اکیلا نماز ادا کرے وہ سمع اللہ لمن حمدہ اور ربنا لک الحمد کہے۔
اب اس کے بعد ہم یہ چاہتے ہیں کہ ہم اس بات کو دیکھیں کہ آیا جناب نبی اکرم (صلی اللہ علیہ وآلہ وسلم) سے اس سلسلہ میں کوئی بات مروی ہے کہ امام کا کیا حکم ہے ؟ کیا اکیلے نماز پڑھنے والا بھی اس کو کہہ سکتا ہے یا نہیں ؟