١٤٠٦: سعید بن المسیّب اور ابو سلمہ نے حضرت ابوہریرہ (رض) سے نقل کیا ہے کہ جناب رسول اللہ (صلی اللہ علیہ وآلہ وسلم) جب کسی کے لیے دعا کا ارادہ فرماتے یا بددعا کرتے تو رکوع کے بعد قنوت پڑھتے اور بسا اوقات جب سمع اللہ لمن حمدہ ربنا ولک الحمد کہہ لیتے تو فرماتے : اللہم انج الولید پھر بقیہ روایت اسی طرح نقل کی ہے مگر ” فاصبح ذات یوم ولم یدع لہم “ سے آخر روایت تک کے الفاظ نقل نہیں اور یہ الفاظ اس روایت میں زائد ہیں یجہر بہ (کہ آپ یہ دعا جہراً پڑھتے) اور بعض نمازوں میں اللہم العن فلانا فلانا کہ اے اللہ عرب کے فلان قبیلہ پر لعنت کر پھر اللہ تعالیٰ نے یہ آیت اتاری۔ ’ لیس لک من الامر شیٔ او یتوب علیہم او یعذبھم فانہم ظالمون (آل عمران) ۔
تخریج : بخاری فی تفسیر سورة ٣ باب ٩ والاستسقاء باب ٣‘ والدعوات باب ٥٨۔