١٤٦٧: عمران بن حارث سلمی کہتے ہیں کہ میں نے ابن عباس (رض) کی اقتداء میں نماز صبح ادا کی تو انھوں نے قنوت نہ پڑھی۔ امام طحاوی (رح) فرماتے ہیں کہ ابو رجائؒ حضرت ابن عباس (رض) سے قنوت کی روایت نقل کرنے والے ہیں اور یہ اس زمانے کی بات ہے جب وہ حضرت علی (رض) کی طرف سے بصرہ کے عامل تھے اور ان سے مخالف روایت نقل کرنے والے ابن جبیر (رح) وہ ان کے ساتھ مکہ میں رہے۔ ان کا مذہب بھی ابن عمر اور علی (رض) جیسا ہے۔ پس ان میں سے جن حضرات سے ہم نے قنوت نقل کی وہ مذکورہ عارضہ کی وجہ سے ہے جو اس کے پیش آنے وقت پڑھی گئی ‘ عارضہ جاتا رہا تو قنوت بھی جاتی رہی اور ہم دیگر اصحاب رسول اللہ (صلی اللہ علیہ وآلہ وسلم) کا ذکر کرچکے جنہوں نے ہمیشہ کے لیے قنوت ترک کی ہے۔ بعض روایات یہ ہیں۔
تخریج : ابن ابی شیبہ ٦۔
فیصلہ طحاوی (رح) :
ابن عباس (رض) سے قنوت کی روایت کرنے والے ابو رجاء ہیں اور یہ اس وقت کی بات ہے جب ابن عباس (رض) و علی (رض) کی جانب سے بصرہ کے حاکم تھے اور اس کے مخالف روایت والی روایت کو ناقل سعید بن جبیر ہیں اور ان کی یہ روایت مکی دور سے متعلق ہے گویا وہ ابن عباس (رض) کا آخری عمل ہے پہلے والے کو اسی پر محمول کریں گے جس پر حضرت عمرو علی (رض) کے فعل کو محمول کیا گیا کہ وہ قنوت کسی عارضہ کی وجہ سے تھی اور عارضہ کے علاوہ ان کا فجر میں قنوت نہ پڑھنا اصل عمل ہے۔
فجر میں عدم قراءت قنوت کے دلائل :
قدروینا عن آخرین سے ان روایات کی طرف اشارہ کر رہے ہیں جو گزشتہ اوراق میں قنوت نہ پڑھنے کی وارد ہوئیں۔