١٤٨٠: عبداللہ بن سعید نے اپنے دادا سے انھوں نے ابوہریرہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے فرمایا جب تم میں سے کوئی سجدہ کرے تو وہ ہاتھوں سے پہلے اپنے گھٹنے رکھے اور نر اونٹ کی طرح نہ بیٹھے۔ حضرت ابوہریرہ (رض) کی یہ روایت ان کی اعرج والی روایت کے خلاف ہے۔ اور اس کا مطلب یہ ہے کہ اپنے ہاتھوں پر بوجھ ڈال کر نہ بیٹھے جیسے کہ اونٹ اپنے ہاتھوں پر بیٹھتا۔
تخریج : مصنف ابن ابی شیبہ ١؍٢٦٣۔
حاصل روایات : یہ روایت اعرج کی اس روایت کے خلاف ہے جس کو اس نے حضرت ابوہریرہ (رض) سے نقل کیا ہے کیونکہ اس روایت کا معنی یہ ہے اپنے ہاتھ کو پہلے نہ رکھے جیسے اونٹ اپنے ہاتھوں پر بیٹھتا ہے۔