١٤٨٢: عاصم بن کلیب نے اپنے والد سے انھوں نے نبی اکرم (صلی اللہ علیہ وآلہ وسلم) سے اسی طرح کی روایت نقل کی ہے۔ جب جناب رسول اللہ (صلی اللہ علیہ وآلہ وسلم) سے وارد شدہ روایات میں اختلاف ہے کہ ہاتھوں یا پاؤں میں سے پہلے کس کو رکھا جائے تو ہم نے اس میں تصحیح معانی کی خاطر غور کیا کہ حضرت وائل (رض) کی روایت میں اختلاف نہیں۔ اختلاف اس روایت میں ہے جو حضرت ابوہریرہ (رض) سے منقول ہے۔ پس تقابل کی وجہ سے روایات کو چھوڑ دیا جائے اور حضرت وائل (رض) کی روایت ثابت ہوجائے۔ البتہ معانی آثار کی تصحیح اس طرح بھی ممکن ہے۔ البتہ غور و فکر کے انداز سے اس کی وضاحت اس طرح ہے کہ ہم یہ جانتے ہیں کہ سجدہ کے اعضاء سات ہیں۔ جناب رسول اللہ (صلی اللہ علیہ وآلہ وسلم) سے اسی طرح روایات وارد ہوئی ہے۔
تقید سند : اس نے وائل کا ذکر نہیں کیا اسی طرح ابن ابی داؤد نے اپنے حافظہ سے سفیان ثوری کہا حالانکہ اس نے غلطی کی ہے درست شقیق ہے جو کہ ابو لیث ہے ہمیں اسی طرح یزید بن سنان نے اپنی کتاب سے بیان کیا : حدثنا حبان بن ہلال قال ثنا ہمام عن شقیق ابی لیث عن عاصم بن کلیب عن ابیہ ۔ یہ شقیق ابو لیث غیر معروف ہے۔
حاصل روایات : گزشتہ روایات اور موجودہ روایات کے مضامین میں اختلاف ہے حضرت ابوہریرہ (رض) کی دونوں روایتیں باہمی متضاد ہیں البتہ وائل بن حجر (رض) کی روایت وہ ابوہریرہ (رض) کی ایک روایت کے موافق ہے اب تصحیح آثار کے پیش نظر ابوہریرہ (رض) کی اس روایت کو لیا جائے گا جو وائل بن حجر (رض) کی روایت کے موافق ہے اور وہ گھٹنوں کا سجدہ میں ہاتھوں سے پہلے رکھنا ہے۔
نظر طحاوی (رح) :
بطریق نظر اگر دیکھا جائے تو جن اعضاء میں سجدے کا حکم ہے وہ سات اعضاء ہیں جناب رسول اللہ (صلی اللہ علیہ وآلہ وسلم) سے اس سلسلہ میں کئی روایات وارد ہیں جن میں چند یہ ہیں۔