١٤٩ : حضرت ابن عباس (رض) کہتے ہیں کہ میرے پاس علی (رض) تشریف لائے اور وہ پیشاب سے فارغ ہو کر آئے تھے چنانچہ انھوں نے پانی منگوایا ہم ان کے پاس ایک برتن میں پانی لے گئے پھر فرمانے لگے اے ابن عباس کیا میں تمہیں اس طرح وضو کر کے نہ دکھاؤں جیسا میں نے جناب نبی اکرم (صلی اللہ علیہ وآلہ وسلم) کو وضو کرتے دیکھا ہے میں نے کہا ضرور بتلائیں میرے ماں ‘ باب آپ پر قربان ہوں۔ چنانچہ ابن عباس (رض) نے اسی طرح کیفیت وضو والی طویل روایت نقل کی جس کے آخر میں ہے کہ پھر آپ نے دونوں ہاتھوں میں پانی لیا اور اس کو اپنے دائیں اور بائیں قدم پر مارا (یعنی پاؤں کو نوبت بنوبت دھویا) ۔
اللغات : صک۔ پانی کا منہ پر زور سے مارنا۔
تخریج : ابو داؤد فی الطھارۃ باب ٥١‘ روایت نمبر ١١٧‘