١٤٩٢: مغیرہ کہتے ہیں کہ میں نے ابراہیم سے دریافت کیا کہ اس آدمی کا کیا حکم ہے جو سجدہ میں جاتے ہوئے پہلے ہاتھ رکھتا اور پھر اپنے گھٹنے رکھتا ہے تو وہ کہنے لگے یہ تو کوئی مجنون اور احمق کرتا ہوگا۔ (باقی جن آثار میں وارد ہے وہ بڑھاپے والے لوگ ہیں جو کہ اس حکم سے بڑھاپے کی وجہ سے مستثنیٰ ہیں)
تخریج : مصنف ابن ابی شیبہ ١؍٢٦٣۔
اس باب میں بھی امام طحاوی (رح) نے آثار و دلائل سے مسئلہ کو ثابت کرنے کے بعد نظر سے کام لیا مگر عام عادت کے خلاف اپنی عقلی دلیل کے بعد تائید کے لیے حضرات صحابہ کرام (رض) اور تابعین (رح) کے اقوال و افعال تائید مزید کے لیے پیش کئے۔ اللہ درہ مادق نظرہ۔