١ ١ ١٥: عبدالرحمن بن عبدالقاری روایت کرتے ہیں کہ میں نے عمر بن خطاب (رض) سے سنا وہ منبر پر لوگوں کو تشہد کی تعلیم دے رہے اور کہہ رہے تھے تم اس طرح کہو ! التحیات اللہ الزاکیات اللہ الصلوات اللہ السلام علیک ایہا النبی ورحمۃ اللہ وبرکاتہ السلام علینا وعلٰی عباد اللہ الصالحین اشہد ان لا الٰہ الا اللہ واشہد ان محمدًا عبدہ ورسولہ تمام بدنی مالی اور زبانی عبادتیں اللہ تعالیٰ ہی کے لیے ہیں اے نبی (صلی اللہ علیہ وآلہ وسلم) تم پر اللہ تعالیٰ کا سلام اور اس کی رحمتیں اور برکتیں ہوں ہم پر بھی سلام ہو اور اللہ تعالیٰ کے نیک بندوں پر بھی سلام ہو میں گواہی دیتا ہوں کہ اللہ تعالیٰ کے سوا کوئی معبود نہیں اور حضرت محمد (صلی اللہ علیہ وآلہ وسلم) اس کے بندے اور رسول ہیں۔
تخریج : مصنف ابن ابی شیبہ ١؍٢٩٣۔
خلاصہ الزام : قعدہ اولیٰ اور ثانیہ میں تشہد پڑھنا واجب ہے یا مسنون۔
نمبر 1: امام مالک (رح) کے ہاں دونوں میں تشہد پڑھنا مسنون ہے۔
نمبر 2: امام احمد (رح) کے ہاں دونوں میں پڑھنا واجب ہے۔
نمبر 3: احناف کے ہاں قعدہ اولیٰ میں مسنون اور اخیرہ میں واجب ہے امام شافعی (رح) کا بھی یہی قول ہے۔ مگر عام کتب احناف میں قعدہ اولیٰ میں بھی اس کو واجب کہا گیا ہے اب رہا یہ مسئلہ کہ تشہد کون سا پڑھا جائے گا امام مالک کے ہاں تشہد عمر (رض) اور امام شافعی کے نزدیک تشہد ابن عباس (رض) ۔
یہاں تشہد کی کیفیت پر بحث ہے :
نمبر 4: احناف و حنابلہ کے ہاں تشہد ابن مسعود (رض) ہے۔
مؤقف اول : تشہد عمر (رض) پڑھا جائے گا انھوں نے برسر منبر یہ بات فرمائی اور کسی نے نکیر نہیں فرمائی اس سے تشہد عمری پر صحابہ (رض) کا اجماع ہوگیا۔ روایات ملاحظہ ہوں۔