١٥٢٩: سعید بن جبیر اور طاؤس نے ابن عباس (رض) سے نقل کیا کہ جناب رسول اللہ (صلی اللہ علیہ وآلہ وسلم) ہمیں تشہد ایسے سکھاتے جیسے قرآن مجید سکھاتے آپ اس طرح فرماتے التحیات المبارکات ‘ الصلوات الطیبات اللہ السلام علیک ایہا النبی ورحمۃ اللہ وبرکاتہ السلام علینا وعلی عباد اللہ الصالحین۔ اشہد ان لاالٰہ الا اللہ وان محمدا رسول اللہ بابرکت قولی عبادات ‘ پاکیزہ فعلی عبادات اللہ تعالیٰ ہی کے لیے ہیں۔ اور اس سلسلے میں عبداللہ ابن عباس (رض) نے ان کی مخالفت کی اور انھوں نے بھی جناب رسول اللہ (صلی اللہ علیہ وآلہ وسلم) سے اس کو روایت کیا۔
تخریج : مسلم فی الصلاۃ نمبر ٦٠‘ ابو داؤد فی الصلاۃ باب ١٧٨‘ نمبر ٩٧٤‘ ترمذی فی الصلاۃ باب ١٠٠‘ نمبر ٢٩٠‘ نسائی فی التطبیق باب ١٩٣‘ ابن ماجہ فی الاقامہ نمبر ٩٠٠‘ مسند احمد ١؍٢٩٢‘ مصنف ابن ابی شیبہ ١؍٢٩٤‘ دارقطنی فی السنن ١؍٣٥٠۔