١٥٤٩: ابن مرزوق نے ابو عامر سے دونوں نے عبداللہ بن جعفر سے اسماعیل بن محمد عن عامر بن سعد عن سعد (رض) نقل کیا کہ جناب نبی اکرم (صلی اللہ علیہ وآلہ وسلم) اپنی دائیں جانب سلام پھیرتے تو میں آپ کے چہرے مبارک کی سفیدی کو دیکھتا اور بائیں طرف سلام پھیرتے تو آپ کے رخسار کی سفیدی پر خوش ہوتا۔ اس سے دراوردی کی سعد (رض) والی روایت کی نفی ہوگئی اور آپ (صلی اللہ علیہ وآلہ وسلم) کے کثیر اصحاب سے نقول دو سلام والی روایت ثابت ہوگئی ‘ روایات یہ ہیں۔
تخریج : روایت نمبر ١٥٤٦ کی تخریج پر اکتفاء کریں۔
حاصل روایات : ان روات کی روایات نے دراوردی کی روایت کی حقیقت کھول دی کہ سلام دو ہی ہیں نہ کہ ایک اس کی تائید میں بہت سی روایات وارد ہیں جو آئندہ صفحات پر مذکور ہوں گی۔

فریق ثانی کا مؤقف اور مستدل روایات اور اشکالات کے جوابات :
دائیں بائیں دو سلام ہیں۔ روایات یہ ہیں۔