١٦٠٨: علی بن جعد نے شعبہ سے نقل کیا۔
تخریج : نسائی ١؍٢٤٧۔
خلاصہ الزام : وتر کے متعلق اختلاف ہے کہ یہ واجب ہے یا سنت امام ابوحنیفہ (رح) وجوب کے قائل ہیں جبکہ تمام ائمہ ابو یوسف (رح) و محمد (رح) سمیت ان کی سنیت کے قائل ہیں وتر کی تعداد میں اختلاف اول یہ ہے کہ ایک رکعت یا تین پھر تین رکعت ایک سلام سے یا دو سلاموں سے ہیں۔
نمبر 1: وتر ایک رکعت ہے یہ عطاء بن ابی رباح قتادہ کا مسلک ہے۔
نمبر 2: ائمہ ثلاثہ کے ہاں وتر تین رکعت ہے مگر دو رکعت پر سلام سے فاصلہ ہے۔
نمبر 3: امام ابوحنیفہ (رح) و ابو یوسف (رح) و محمد (رح) اور فقہاء سبعہ کا مسلک تین وتر ہے جو ایک سلام سے پڑھے جائیں گے۔
فریق اوّل کا مؤقف اور دلیل : وتر ایک رکعت ہے۔