١٦١ : محمد بن عبداللہ کہتے ہیں کہ میں زید بن دارہ کی خدمت میں ان کے گھر گیا انھوں نے میرے مضمضہ کی آواز سنی تو مجھے فرمایا اے ابو محمد میں نے لبیک کہی تو فرمایا کیا میں تمہیں جناب رسول اللہ (صلی اللہ علیہ وآلہ وسلم) کے وضو کے متعلق نہ بتلاؤں میں نے کہا کیوں نہیں ضرور بتلائیں کہنے لگے میں نے حضرت عثمان بن عفان (رض) کو وضو کے مقام کے پاس دیکھا کہ انھوں نے وضو کے لیے پانی منگوایا اور تین تین مرتبہ ہر عضو کو دھویا اور آخر میں اپنے پاؤں کو بھی تین مرتبہ دھویا پھر فرمایا جو یہ چاہتا ہو کہ جناب رسول اللہ (صلی اللہ علیہ وآلہ وسلم) کا وضو دیکھے تو وہ میرا یہ وضو دیکھ لے۔
تخریج : ابو داؤد فی الطھارۃ باب ٥١‘ نسائی فی الطھارۃ باب ٧٤‘ مسند احمد ١؍١٤١۔