١٦١٢: نافع کہتے ہیں کہ حضرت ابن عمر (رض) نے بیان کیا کہ جناب رسول اللہ (صلی اللہ علیہ وآلہ وسلم) سے کسی آدمی نے سوال کیا کہ رات کی نماز کس طرح اور کتنی ہے تو آپ نے فرمایا مثنیٰ مثنیٰ دو دو پڑھتے رہو۔ جب صبح کا خدشہ ہو تو ایک رکعت پڑھو جو تیری ان رکعتوں کو طاق بنا دے یعنی دو کے ساتھ تیسری ملا لو یہ وتر بن جائیں گے۔
تخریج : بخاری باب الوتر ‘ مسلم فی المسافرین ١٤٥؍١٤٦‘ نسائی فی قیام اللیل باب ٣٥‘ مسند احمد ٢؍١٣٣‘ ابن ابی شیبہ ٢؍٨٨۔