١٦٣: عبداللہ بن زید کہتے ہیں کہ میں نے حضرت مستورد بن شداد قرشی (رض) کو یہ کہتے سنا کہ میں نے جناب رسول اللہ (صلی اللہ علیہ وآلہ وسلم) کو دیکھا کہ وہ اپنی چھنگلیا کے ساتھ پاؤں کی انگلیوں کے درمیان والی جگہ کو مل رہے تھے۔
امام طحاوی (رح) فرماتے ہیں :
یہ پاؤں دھونے کی حالت میں تو ممکن ہے کیونکہ مسح میں اس حد تک نوبت نہیں آتی بلکہ وہ تو دونوں پاؤں کے اوپر والے حصہ پر ہوتا ہے۔
تخریج : ابو داؤد فی الطھارۃ باب ٥٩ روایت نمبر ١٤٨‘ ترمذی فی الطھارۃ باب ٣٠ روایت ٤٠‘ ابن ماجہ فی الطھارۃ باب ٥٤‘ روایت ٤٤٦‘ مسند احمد ٤؍٣٣۔