١٦٦١ : علی بن معبد نے ابن عباس (رض) سے نقل کیا کہ مجھے میرے والد عباس نے حکم دیا کہ میں جناب رسول اللہ (صلی اللہ علیہ وآلہ وسلم) کے آل کے ہاں رات گزاروں اور مجھے یہ فرمایا کہ رات کو نہ سوؤں یہاں تک کہ میرے لیے آپ کی رات کی نماز کو محفوظ کرلوں۔ ابن عباس (رض) کہتے ہیں کہ میں نے آپ کے ساتھ نماز عشاء پڑھی ‘ پھر آپ سو گئے۔ پھر اٹھے اور پیشاب و وضو کیا ‘ پھر دو رکعت ادا کیں جو کچھ طویل نہ تھیں اور نہ بالکل چھوٹی تھیں۔ پھر اپنے بستر کی طرف لوٹ آئے پھر سو گئے ‘ یہاں تک کہ میں نے آپ کے خراٹے کی آواز سنی ‘ پھر آپ اٹھے اور اسی طرح کیا یہاں تک کہ چھ رکعات ادا کیں اور تین سے ان کو وتر بنایا۔