١٦٧ : عمرو بن شعیب اپنے داد ا عبداللہ بن عمرو (رض) سے روایت کرتے ہیں کہ ایک آدمی نبی اکرم (صلی اللہ علیہ وآلہ وسلم) کی خدمت میں آیا اور آپ (صلی اللہ علیہ وآلہ وسلم) سے وضو کے متعلق پوچھا آپ (صلی اللہ علیہ وآلہ وسلم) نے پانی منگوایا اور تین تین مرتبہ اعضاء وضو کو دھویا اور سر پر مسح کیا اور اپنے دونوں پاؤں دھوئے پھر فرمایا وضو اس طرح ہوتا ہے جس نے تین تین سے اضافہ کیا اس نے بہت برا کیا اور جس نے کمی کی اس نے اپنے حق میں کمی کی۔
تخریج : ابو داؤد فی الطھارۃ باب ٥٢‘ نمبر ١٣٥‘ نسائی فی الطھارۃ باب ١٠٤ ابن ماجہ فی الطھارۃ باب ٤٨‘ روایت ٤٤٢‘ مسند احمد ٢؍١٨٠