١٧١ : ابو صالح نے حضرت ابوہریرہ (رض) سے روایت کیا کہ جناب رسول اللہ (صلی اللہ علیہ وآلہ وسلم) نے فرمایا جب مسلمان یا مؤمن بندہ وضو کرتا ہے پس اپنا چہرہ دھوتا ہے تو اس کے چہرے سے ہر وہ غلطی دھل جاتی ہے جس کا ارتکاب اس نے اپنی آنکھوں سے کیا جب بازو دھوتا ہے تو اس کے ہاتھوں سے وہ گناہ دھل جاتا ہے جو اس کے ہاتھوں کے تھامنے سے ہوا اور جب وہ اپنے پاؤں دھوتا ہے تو اس سے اس کا ہر وہ گناہ دھل جاتا ہے جس کی طرف اس کے قدم چل کر گئے ہیں۔
تخریج : مسلم فی الطھارۃ روایت ٣٦‘ ترمذی فی الطھارۃ باب ٢ روایت ٢ مسند احمد ٢؍٣٠٣‘ شرح السنہ للبغوی ١؍٣٢٢