١٧٤٣: حسن بن زیاد کہتے ہیں کہ میں نے امام ابوحنیفہ (رح) کو فرماتے سنا کہ میں بسا اوقات فجر کی دو رکعتوں
میں دو پارے پڑھتا ہوں۔ ہم اسی کو اختیار کرتے ہیں ان میں طویل قراءت کرنے میں کچھ حرج نہیں بلکہ یہ چھوٹی قراءت سے ہمارے نزدیک افضل ہے کیونکہ طویل قیام ہی وہ چیز ہے جس پر نوافل کی فضیلت کا دارومدار ہے اور ابراہیم (رح) سے بھی روایت آئی۔ ملاحظہ ہو۔
ہم احناف تو اسی کو اختیار کرتے ہیں کہ ان دونوں رکعتوں میں قراءت میں طوالت کرنے میں کوئی حرج نہیں اور ہمارے نزدیک یہ مختصر قراءت سے افضل ہے کیونکہ یہی وہ علت ہے جس کی بنیاد پر جناب رسول اللہ (صلی اللہ علیہ وآلہ وسلم) نے نوافل کی فضیلت کا دارومدار رکھا ہے۔