١٧٨٠: اعرج نے حضرت ابوہریرہ (رض) سے نقل کیا کہ جناب رسول اللہ (صلی اللہ علیہ وآلہ وسلم) نے صبح کے بعد طلوع آفتاب تک اور عصر کے بعد غروب آفتاب تک نماز (نفل) سے منع فرمایا ہے۔ عصر کے بعد غروب آفتاب تک نفل نماز کی ممانعت میں جناب رسول اللہ (صلی اللہ علیہ وآلہ وسلم) اور صحابہ کرام سے متواتر آثار وارد ہوتے ہیں۔ پس کسی کے لیے مناسب نہیں کہ وہ ان روایاتِ صحابہ کرام کی مخالفت کرے۔
تخریج : مسلم فی المسافرین نمبر ٢٨٥۔
حاصل روایات : جناب رسول اللہ (صلی اللہ علیہ وآلہ وسلم) سے متواتر آثار کے ساتھ عصر کے بعد نماز (نفل) کی ممانعت منقول ہے جیسا کہ ان روایات میں مذکور ہوا پس ہرگز ہرگز اس کی مخالفت درست نہیں۔ مزید آثار صحابہ (رض) ملاحظہ ہوں۔