١٧٩٤: باب التطبیق فی الرکوع میں یہ روایت گزری کہ علقمہ اور اسود دونوں کو عبداللہ بن مسعود (رض) نے نماز پڑھائی ایک کو دائیں اور دوسرے کو اپنے بائیں جانب کھڑا کیا پھر رکوع میں گئے اور ہم نے اپنے ہاتھ گھٹنوں پر رکھے تو انھوں نے ہمارے ہاتھوں پر ضرب لگائی اور تطبیق کی جب نماز سے فارغ ہوئے تو فرمایا جناب رسول اللہ (صلی اللہ علیہ وآلہ وسلم) نے اسی طرح کیا۔ اس روایت میں ہمارے نزدیک یہ احتمال ہے کہ جو انھوں نے بیان کیا وہ جناب رسول اللہ (صلی اللہ علیہ وآلہ وسلم) کا فعل ہو اور وہ تطبیق ہو اور یہ بھی احتمال ہے کہ مقتدیوں میں سے ایک کو دائیں دوسرے کو بائیں کھڑا کرنا مراد ہو۔ پس ہم اس سلسلہ میں روایات پر نظر ڈالنا چاہتے ہیں۔ روایات ملاحظہ ہو۔
تخریج : باب التطبیق میں ملاحظہ کریں مسلم فی المساجد ٢٦۔
اس روایت کے متعلق دو احتمال ہیں۔
نمبر 1: جناب رسول اللہ (صلی اللہ علیہ وآلہ وسلم) کی طرف جس فعل کی نسبت کی ہے اس سے مراد تطبیق ہے۔
نمبر 2: اس سے مراد تطبیق اور دونوں کو امامت میں دائیں بائیں کھڑے کرنا مراد ہو۔ روایات پر نظر ڈالتے ہیں تاکہ ایک احتمال متعین ہو سکے۔ روایت ملاحظہ ہو۔
خلاصہ الزام : دو مقتدی سے کم ہو تو امام کے دائیں جانب کھڑے ہوں اور تین مقتدی بالاتفاق پیچھے کھڑے ہوں البتہ دو مقتدی امام یوسف (رح) و ابراہیم کے ہاں امام کے دائیں بائیں کھڑے ہوں اور ائمہ اربعہ کے ہاں دو مقتدی بھی امام کے پیچھے کھڑے ہوں۔
مؤقف فریق اوّل : دو مقتدی ہوں تو امام اپنے دائیں بائیں کھڑا کرے دلیل مندرجہ ذیل روایت ہے۔