١٨٠٠: سلیمان بن یسار کہتے ہیں کہ میں نے ابن عتبہ کو کہتے سنا جماعت کھڑی ہوگئی حالانکہ مسجد میں مؤذن اور ایک آدمی اور عمر (رض) کے سوا اور کوئی نہ تھا پس ان کو عمر (رض) نے اپنے پیچھے کھڑا کیا اور ان کو نماز پڑھائی۔ پھر ہم نے غور و فکر سے اس کا حکم ڈھونڈا ‘ چنانچہ ہم نے یہ اصول پایا کہ جب امام ایک شخص کو نماز پڑھائے تو اسے دائیں جانب کھڑا کرلے۔ حضرت انس (رض) کی حدیث میں جناب نبی اکرم (صلی اللہ علیہ وآلہ وسلم) سے سنت طریقہ یہی وارد ہوا ہے۔
اس اثر سے سابقہ جواب کی تاکید و تائید ہوگئی۔
نظر طحاوی (رح) نمبر !: امام جب ایک آدمی کو نماز پڑھائے تو وہ اسے دائیں جانب کھڑا کرتا ہے اور سنت رسول اللہ (صلی اللہ علیہ وآلہ وسلم) یہی ہے جیسا اس روایت میں ہے۔