١٨٠٧ : عبیداللہ بن عبداللہ نے ابن عباس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے ذی قرد میں نماز خوف پڑھائی۔ اس وقت مشرک اور قبلہ کے درمیان حائل تھے۔ ایک صف نے آپ (صلی اللہ علیہ وآلہ وسلم) کے پیچھے صف بنائی اور ایک جماعت دشمن کے سامنے صف آراء ہوئی۔ آپ (صلی اللہ علیہ وآلہ وسلم) نے پہلی جماعت کو ایک رکعت پڑھائی پھر دشمن کے سامنے چلے گئے اور دشمن کے مقابل صف نے آ کر آپ (صلی اللہ علیہ وآلہ وسلم) کے پیچھے صف باندھی۔ آپ (صلی اللہ علیہ وآلہ وسلم) نے ان کو ایک رکعت پڑھائی۔ پھر آپ (صلی اللہ علیہ وآلہ وسلم) نے سلام پھیرا تو جناب رسول اللہ (صلی اللہ علیہ وآلہ وسلم) کی دو رکعت ہوئیں اور ہر جماعت کی ایک ایک رکعت ہوئی۔ امام طحاوی (رح) فرماتے ہیں کہ یہ عبیداللہ بن عبداللہ ہیں جو کہ ابن عباس (رض) سے مجاہد کی روایت کے خلاف روایت کر رہے ہیں اور یہ بات ناممکن ہے کہ امام پر ایک رکعت فرض ہو مگر وہ اسے دوسری رکعت ملا کر بغیر تشہد و تسلیم کے ادا کرلے۔ جب ابن عباس (رض) سے ملنے والی دونوں روایات متضاد اور ایک دوسرے سے منافی ہیں تو کسی کو مجاہد والی روایت سے دلیل کا حق نہیں کیونکہ اس کا مقابل عبیداللہ کی ابن عباس (رض) والی مخالف روایت سے استدلال کرے گا۔ اگر بالفرض وہ یہ کہیں کہ ابن عباس (رض) سے اور حضرات نے بھی مجاہد والی روایت کی طرح روایت کی ہے۔ ملاحظہ ہو۔
تخریج : نسائی فی السنن الکبرٰی ‘ کتاب صلٰوۃ الخوف : ١٩٢١
نمبر ": حضرت ابن عباس (رض) سے عبیداللہ بن عبداللہ کی سند سے اس کے خلاف روایت منقول ہے ۔
امام طحاوی کہتے ہیں کہ ابن عباس (رض) کی دو روایتیں ایک دوسرے سے متضاد ہوگئیں ان میں کسی ایک کو ترجیح نہیں دی جاسکتی۔
نمبر#: یہ بات ناممکن ہے کہ امام پر فرض ایک ہو اور وہ دو پڑھا لے اور اس ایک میں نہ قعدہ نہ تشہد نہ سلام۔
فان قالوا سے ایک سوال کا تذکرہ ہے۔
فقط اس روایت کی بات نہیں حذیفہ بن یمان ‘ زید بن ثابت ‘ جابر سہیل بن ابی حشمہ (رض) سے اس قسم کی روایات منقول ہیں۔ روایات ملاحظہ ہوں۔