١٨٤٧: ثابت نے حضرت انس (رض) سے نقل کیا ہے کہ میں منبر کے پاس کھڑا تھا اور جناب رسول اللہ (صلی اللہ علیہ وآلہ وسلم) کھڑے خطبہ دے رہے تھے مسجد میں سے کسی نے کہا یارسول اللہ (صلی اللہ علیہ وآلہ وسلم) ! بارش بند ہے مویشی (چار نہ ہونے کی وجہ سے) ہلاک ہوگئے آپ اللہ تعالیٰ سے دعا فرمائیں کہ وہ بارش کر دے پس آپ نے اپنے ہاتھ اٹھائے اس وقت آسمان پر ذرہ بھر بادل نہ تھا اللہ تعالیٰ نے بادلوں کو جمع کردیا پھر خوب بارش ہوئی یہاں تک کہ ہر شخص کو فکر تھی کہ وہ اپنے گھر جائے۔ پورا ہفتہ بارش رہی جناب رسول اللہ (صلی اللہ علیہ وآلہ وسلم) اگلے جمعہ کو خطبہ دے رہے تھے جبکہ مسجد میں سے کسی نے عرض کیا یارسول اللہ (صلی اللہ علیہ وآلہ وسلم) ! مکانات گرگئے آپ دعا فرمائیں کہ اللہ تعالیٰ بارش کو ہٹا دے۔ حضرت انس (رض) کہتے ہیں پس جناب رسول اللہ (صلی اللہ علیہ وآلہ وسلم) نے اپنے ہاتھ اٹھائے اور یہ دعا فرمائی اے اللہ ! ہمارے اطراف میں برسا۔ نہ کہ ہم پر چنانچہ بادل ہمارے سروں کے اوپر سے پھٹ گیا یہاں تک کہ گویا ہم چمکتے سورج کے مزین تاج میں ہیں کہ ہمارے اطراف میں تو بارش ہو رہی تھی مدینہ میں بارش نہ تھی۔
تخریج : ابن ماجہ فی الاقامہ باب ١٥٤‘ ابو داؤد فی الاستسقاء باب ٢‘ نمبر ١١٧٤‘ نسائی فی الاستسقاء باب ٩‘ ١٠‘ مسند احمد ٣؍١٠٤۔
اللغات : وہم یہم۔ یا ہم یہم۔ خیال کرنا ‘ ارادہ کرنا۔ تقور۔ متفرق ‘ منتشر ہونا۔ اکلیل۔ تاج۔