١٨٩٧: ابو قلابہ نے حضرت نعمان بن بشیر (رض) یا دوسرے کسی صحابی سے نقل کیا کہ جناب رسول اللہ (صلی اللہ علیہ وآلہ وسلم) کے زمانے میں سورج کو گہن لگ گیا پس آپ دو رکعت پڑھتے اور سلام پھیرتے اور پوچھتے رہے یہاں تک کہ گہن ختم ہوگیا پھر آپ نے فرمایا بعض لوگوں کا یہ خیال ہے کہ سورج و چاند کو گہن کسی بڑے آدمی کی موت سے لگتا ہے حالانکہ یہ اس طرح درست نہیں بلکہ یہ دونوں اللہ تعالیٰ کی قدرت کی نشانیاں ہیں جب اللہ تعالیٰ اپنی کسی مخلوق پر تجلی ڈالتے ہیں تو وہ اس کی عظمت کے سامنے اپنی عاجزی کا اظہار کرتی ہے۔
تخریج : ابو داؤد فی صلوۃ الکسوف باب ٩‘ نمبر ١١٩٣‘ ابن ماجہ فی الاقامہ باب ١٥٢‘ نمبر ١٢٦٢۔