١٩٠ : ابو یحییٰ حضرت عبداللہ بن عمر (رض) سے روایت کرتے ہیں کہ ہم نے جناب رسول اللہ (صلی اللہ علیہ وآلہ وسلم) کے ساتھ مکہ سے مدینہ کا سفر کیا مکہ و مدینہ کی درمیانی منزل میں ایک پانی پر آپ وارد ہوئے اور عصر کا وقت ہوگیا کچھ لوگ آگے بڑھ گئے (اور وہ پانی پر پہلے پہنچے) پس جب ہم ان تک پہنچے تو وہ وضو سے فارغ ہوچکے تھے اور ان کی ایڑیاں چمک رہی تھیں ان کو پانی نے نہ چھوا تھا اس پر جناب نبی اکرم (صلی اللہ علیہ وآلہ وسلم) نے ارشاد فرمایا ان ایڑیوں کے لیے آگ کی ہلاکت ہے کامل وضو کرو۔ (کہ پاؤں وغیرہ کا کوئی حصہ دھلنے سے نہ رہ جائے)
تخریج : ابن حبان ٢؍١٩٦‘ مسلم ١؍١٢٥