١٩٧٦: خلدس کہتے ہیں کہ میں نے عمار بن یاسر سے سنا اور ایک آدمی نے ان سے وتر کے متعلق سوال کیا تھا تو کہنے لگے میں وتر پڑھ کر سو جاتا ہوں اگر میں بیدار ہوجاؤں تو دو رکعت کر کے نماز پڑھتا رہتا ہوں۔ ہمارے نزدیک حضرت ہمام کی روایت کا مفہوم یہی ہے۔ جس کو انھوں نے حضرت قتادہ (رض) سے روایت کیا ہے۔ جس کو ہم فصل اوّل میں ذکر کر آئے ہیں۔ کیونکہ اس میں یہ مذکور ہے کہ ” جب میں جاگتا ہوں تو دو دو رکعت پڑھتا ہوں “ اور اس میں یہ احتمال بھی ہے کہ ایک رکعت ملا کر شفعہ بنا لیتے جیسا کہ ابن عمر (رض) کرتے تھے اور یہ بھی احتمال ہے کہ دو دو رکعت کر کے پڑھتا ہوں۔ پس شعبہ (رح) کی روایت میں اس بات کا بیان ہے کہ ان کے قول ” شفعت “ کا معنی یہ ہے کہ میں شفع شفع پڑھتا ہوں اور وتر کو نہیں توڑتا۔
تخریج : ابن ابی شیبہ ٢؍٨٣۔
حاصل روایات : : طحاوی (رح) فرماتے ہیں ہمام کی وہ روایت جس کے الفاظ یہ ہیں ” فاذا قمت شفعت “ کا معنی ہمارے ہاں وہی ہے جو اثر نمبر ١٩٧٦ کا ہے۔
نمبر 2: اس میں یہ بھی احتمال ہے کہ ابن عمر (رض) کی طرح ایک رکعت ملا کر وتر کو شفعہ بنا لیتے ہیں۔
نمبر 3: یہ بھی احتمال ہے کہ شفعہ شفعہ پڑھتے رہتے ہیں اور وتروں کو نہیں توڑتے اور شعبہ والی روایت کا مفہوم یہی ہے۔