٢٠٤٢: ابن ابی ملیکہ کہتے ہیں کہ ابن زبیر سے آیت سجدہ پڑھی اس وقت میں موجود تھا مگر انھوں نے سجدہ نہ کیا پھر حارث بن عبداللہ کھڑے ہوئے اور سجدہ کیا پھر کہا اے امیرالمؤمنین ! تمہیں سجدہ سے کس بات نے منع کیا جب کہ تم نے آیت سجدہ پڑھی تو ابن زبیر نے جواب دیا جب میں نماز میں ہوتا ہوں تو سجدہ کرلیتا ہوں اور اگر نماز میں نہیں ہوتا تو سجدہ نہیں کرتا۔ ایک جماعت صحابہ کرام (رض) نے حضرت ابی بن کعب (رض) کی بات لا سجود فی المفصل کہ مفصل میں سجدہ نہیں ‘ کے خلاف فرمایا ہے۔
تخریج : ابن ابی شیبہ ١؍٣٨١۔
حاصل روایات : یہ ہوا کہ حضرت عمر ‘ سلمان ‘ ابن زبیر (رض) کے ہاں سجدہ تلاوت واجب نہیں ہے اس لیے انھوں نے کبھی سجدہ کرلیا جب خود قصد کیا اور کبھی نہ کیا اور ممکن ہے کہ ابی بن کعب (رض) بھی انہی سے ہوں۔
تقاضا نظر : تقاضہ عقل یہی ہے کیونکہ مسافر اگر سواری کی حالت میں سجدہ تلاوت ادا کرنا چاہے تو زمین پر اترنا اس کے لیے لازم نہیں بلکہ وہ اشارہ کرلے اور یہ کیفیت نفل کی ہے فرض کی نہیں کیونکہ فرض بہرصورت زمین پر پڑھا جاتا ہے اور نفل تو سواری پر بھی پڑھ سکتے ہیں ائمہ احناف اگرچہ سجدہ کو واجب قرار دیتے ہیں مگر اوپر والی تفصیل سے بھی یہ معلوم ہوگیا کہ ابی بن کعب والی روایت میں اس احتمال کی وجہ سے مفصلات میں سجدہ نہ ہونے کی کوئی دلیل نہیں۔
شاید انھوں نے مفصلات کے علاوہ سجود کے مقامات میں بھی سجدہ نہ کیا ہو۔
جواب نمبر 3: صحابہ کرام (رض) کی ایک عظیم جماعت ابی بن کعب (رض) کے اس عمل کے خلاف نظر آتی ہے۔