٢٠٦١: ابو ظبیان کہتے ہیں مجھ سے ابن عباس (رض) نے پوچھا تم کون سی قراۃ میں قرآن مجید پڑھتے ہو میں کہا پہلی قراءت یعنی قراءت ابن مسعود (رض) تو اس پر انھوں نے فرمایا وہ پہلی نہیں سب سے آخری قراءت ہے جناب رسول اللہ (صلی اللہ علیہ وآلہ وسلم) ہر سال ان کو قرآن مجید سناتے راوی کہتے ہیں شاید انھوں نے فی کل شہر رمضان کہا۔ جب آپ کا وفات والا سال آیا تو آپ نے ان کو دو مرتبہ قرآن مجید سنایا پس عبداللہ منسوخ اور تبدیل شدہ کے گواہ بن گئے۔ یہ عبداللہ بن عباس (رض) ہیں جو اس بات کی اطلاع دے رہے ہیں عبداللہ بن مسعود (رض) جناب رسول اللہ (صلی اللہ علیہ وآلہ وسلم) کے وفات والے سال میں جب قرآن مجید کے دو عرضات میں موجود تھے اس لیے ان کو اس میں منسوخ اور مبدل کا علم ہے۔ اگر جناب رسول اللہ (صلی اللہ علیہ وآلہ وسلم) کی قراءت میں وہ بات ہوتی جس سے ابی (رض) کو یہ معلوم ہوا کہ قرآن میں سجدے نہیں ‘ تب تو ان کا قول لا سجود فی المفصلات میں سجدہ نہ ہونے کی دلیل بنتا۔ دوسری بات یہ ہے کہ ابن مسعود (رض) کا دو عرضات قرآنیہ میں حاضر ہونا اس بات کی علامت ہے کہ ان کو قرآن مجید کے علم ہوا پس ان کا قول کہ مفصلات میں سجدہ ہے یہ ثبوت بن گیا۔ ایک علماء کی جماعت کا کہنا یہ ہے کہ جناب رسول اللہ (صلی اللہ علیہ وآلہ وسلم) نے مفصلات میں سجدہ مکی زندگی میں کیا مگر جب ہجرت فرمائی تو اسے چھوڑ دیا اور اس سلسلہ میں انھوں نے حضرت ابن عباس (رض) سے ایک ضعیف روایت نقل کی ‘ اس جیسی روایت دلیل میں پیش نہیں ہوسکتی اور انھوں سے ایک روایت یہ بھی نقل کی کہ مفصل میں سجدہ نہیں۔
تخریج : مسند احمد ١؍٢٧٥۔
الزامی جواب : اب خود غور کریں کہ ابن عباس (رض) جن کے متعلق یہ کہہ رہے ہوں کہ وفات والے سال آپ (صلی اللہ علیہ وآلہ وسلم) نے ان کو دو مرتبہ قرآن مجید سنایا اور انھوں نے منسوخ و تبدیل کو خوب جان لیا اگر ابی بن کعب (رض) کے متعلق یہ بات کہی جاتی ہے کہ انھوں نے آپ (صلی اللہ علیہ وآلہ وسلم) کو قرآن مجید سنایا اس سے انھوں نییہ جان لیا کہ مفصلات میں سجدہ نہیں ہے تو ابن مسعود (رض) نے وفات والے سال دو مرتبہ سنایا اور ہر سال سناتے تھے تو ان کا مفصلات میں سجدے بتلانا درجہ اولیٰ دلیل ہوگی پس ان حضرات کی روایا تکے مقابلے میں حضرت ابی (رض) والی روایت چنداں حجت نہ بن سکے گی۔
ایک اشکال :
ابن عباس (رض) کا قول ہے سجود فی المفصل۔ مفصلات میں سجدے مکہ میں تھے مدینہ میں نہیں کئے گئے ۔ اثر یہ ہے۔