٢٠٧٦: محمد نے حضرت ابوہریرہ (رض) سے نقل کیا انھوں نے دو آدمیوں سے جو دونوں حضرت ابوہریرہ (رض) سے بہتر ہیں کہ ایک نے اذا السماء انشقت اور اقرا باسم ربک میں سجدہ کیا اور جس نے سجدہ کیا وہ اس سے بہتر ہے جس نے سجدہ نہیں کیا اگر وہ عمر نہ ہو وہ تو عمر سے بھی بہتر ہے (یعنی جناب رسول اللہ (صلی اللہ علیہ وآلہ وسلم)) حضرت ابوہریرہ (رض) سے متواتر روایات اس بات کو ثابت کرتی ہیں کہ انھوں نے جناب رسول اللہ (صلی اللہ علیہ وآلہ وسلم) کے ساتھ { اذا السمآء انشقت } میں سجدہ کیا اور ان کا مسلمان ہونا مدینہ میں ہے۔ پس یہ کہنا کس طرح جائز ہے کہ آپ نے ہجرت کے بعد مفصلات میں سجدہ نہیں کیا اور حضرت عمرو بن العاص (رض) کی روایت بھی مفصلات میں سجدہ نبوی (صلی اللہ علیہ وآلہ وسلم) کو ثابت کرتی ہے۔ ذیل میں ملاحظہ ہو۔
تخریج : نسائی فی السنن اکبرٰی ١٠٣٧؍١٠٣٨۔
حاصل روایات : یہ تمام روایات ابوہریرہ (رض) جو مختلف اسناد سے مروی ہیں یہ مفصلات کے سجدہ کو ثابت کر رہی ہیں پس یہ کہنا کیونکر درست ہے کہ مفصلات میں سجدہ ہجرت سے پہلے تھا ہجرت کے بعد نہیں کیونکہ ابوہریرہ (رض) کا اسلام لانا ہی ٧ ھ یا ٦ ھ کا ہے۔