٢٠٧٨: اسی سند سے مروی ہے کہ ان سے سوال کیا گیا کیا آپ ان سورتوں میں سجدہ کرتے ہیں تو جواب میں فرمایا جناب رسول اللہ (صلی اللہ علیہ وآلہ وسلم) ان میں سجدہ کرتے تھے۔ ہمارا کہنا بھی یہ ہے اور ہمارے امام ابوحنیفہ ‘ ابویوسف ‘ محمد (رح) کا بھی یہی قول ہے۔ جہاں تک نظر و فکر کا تعلق ہے وہ اس کے خلاف ہے اور وہ اس طرح کہ اتفاقی سجدات گیارہ ہیں :
سورة اعراف اور مقام سجدہ یہ ہے { ان الذین عند ربک تا یسجدون } (الایۃ)
1 سورة رعد کی یہ آیت { للّٰہ یسجد تا والاصال } (الایۃ)
2 سورة نحل کی اس آیت میں { وللّہ یسجد تا یؤمرون } (الایۃ)
3 سورة اسراء کی آیت { ویخرون تا خشوعًا } (الایۃ)
4 سورة مریم کی آیت { واذا تتلٰی علیھم تا بکتًا } (الایۃ)
5 سورة حج کی آیت { الم تر تا ما یشائ } (الایۃ)
6 سورة الفرقان کی آیت { واذا قیل لھم تا نفورًا } (الایۃ)
7 سورة النمل کی آیت { الاّ یسجدوا تا رب العرش العظیم } (الایۃ)
8 سورة لم تنزیل کی آیت { انما یؤمن تا لا یستکبرون } (الایۃ)
9 سورة حم تنزیل کے مقام سجدہ میں اختلاف ہے (الف) تعبدون یا (ب) لا یسئمون الایاتان۔ اس میں امام ابوحنیفہ ‘ ابویوسف اور محمد (رح) کے ہاں دوسرا مقام ہے۔
الحاصل : یہ کثیر روایات مفصلات میں سجدے کو ثابت کرتی ہیں۔
ہمارے ائمہ ابوحنیفہ ‘ ابو یوسف ‘ محمد (رح) کا یہی قول ہے۔
نظری اشکال :
نظر کا تقاضا کچھ اس سے مختلف ہے غور فرمائیں کہ دس مقامات قرآن مجید میں ایسے ہیں جن میں تمام ائمہ کے ہاں سجدہ ہے وہ یہ ہیں۔
نمبر 1: سورة الاعراف آیات نمبر ٢٠٦ ولہ یسجدون پر۔
نمبر 2: سورة الرعد آیت ١٥ بالغدو والاصال پر۔
نمبر 3: سورة النحل آیت ٥٠ مایؤمرون والی آیت پر۔
نمبر 4: سورة بنی اسرائیل آیت ١٠٩ خشوعا پر۔
نمبر 5: سورة مریم آیت ٥٨ ب کیا پر۔
نمبر 6: سورة الحج آیت ١٨ مایشاء پر۔
نمبر 7: سورة الفرقان آیت ٦٠ زادہم نفورا پر۔
نمبر 8: سورة النمل آیت ٢٦ رب العرش العظیم پر۔
نمبر 9: سورة الم تنزیل آیت ١٥ ہم لا یستکبرون پر۔
نمبر 10: سورة حم تنزیل آیت ٣٧‘ ٣٨ تعبدون یا لا یسئمون پر
امام ابوحنیفہ ‘ ابو یوسف ‘ محمد (رح) آیت نمبر ٣٨ پر سجدہ کو قرار دیتے ہیں دوسروں کے ہاں آیت نمبر ٣٧ تعبدون پر سجدہ ہے۔
امام ابوحنیفہ (رح) کے قول کو ان آثار کی تائید حاصل ہے۔