٢١٢٠: ابو سلمہ نے حضرت ابوہریرہ (رض) سے روایت کی کہ جناب رسول اللہ (صلی اللہ علیہ وآلہ وسلم) جمعہ کے دن خطبہ دے رہے تھے تو آپ ایک سورة پڑھی اس پر حضرت ابو ذر نے حضرت ابی بن کعب کو کہا یہ سورة کب نازل ہوئی تو ابی نے ان کی بات سے اعراض کیا جب جناب رسول اللہ (صلی اللہ علیہ وآلہ وسلم) نے اپنی نماز کو مکمل کرلیا تو ابی نے ابو ذر (رض) کو کہا تمہیں نماز سے وہی حاصل ہوا جو تم نے لغو بات کی۔ اسی وقت ابو ذر (رض) جناب نبی اکرم (صلی اللہ علیہ وآلہ وسلم) کی خدمت میں پہنچے اور آپ کو اس بات کی اطلاع دی تو آپ (صلی اللہ علیہ وآلہ وسلم) نے فرمایا ابی نے سچ کہا۔ پس جناب رسول اللہ (صلی اللہ علیہ وآلہ وسلم) نے خطبہ کے وقت خاموشی کا حکم فرمایا اور خطبہ کو نماز کی طرح قرار دیا اور اس میں گفتگو کو لغور قرار دیا اس سے یہ بات ثابت ہوگئی کہ دوران خطبہ نماز مکروہ ہے۔ جب لوگوں کو دوران خطبہ گفتگو کرنا مکروہ ہوئی کہ خطبے کے دوران گفتگو نہیں کرسکتا تو امام بھی جب تک خطبہ دے رہا ہوں اس کے دوران اور گفتگو نہیں کرسکتا۔ کیا تم اس پر توجہ نہیں کرتے کہ مقتدیوں کو دوران نماز کلام سے روکا گیا۔ تو امام کا حکم بھی اس سے مختلف نہیں ہے۔ پس جس بات سے غیر امام کو روکا گیا اس سے امام کو بھی منع کیا گیا ہے۔ اسی طرح جب غیر امام کو دوران خطبہ گفتگو سے روکا گیا تو امام کو دوران خطبہ گفتگو سے ممانعت ہے۔ روایات درج ذیل ہیں۔
حاصل روایات : خطبہ کے دوران بھی جناب رسول اللہ (صلی اللہ علیہ وآلہ وسلم) نے خاموشی کا حکم دیا ہے اور اس کا حکم نماز والا قرار دیا اور اس میں گفتگو کو لغو اور مردود قرار دیا اسی وجہ سے تو کلام سے پورے جمعہ کا ثواب ضائع قرار دیا۔ پس اس سے یہ نتیجہ نکلا کہ اس میں نماز بھی مکروہ ہے جب لوگوں کو امام کے خطبہ میں کلام کی ممانعت ہے تو اسی طرح امام کو بھی وہ کلام ممنوع ہے جو خطبہ کے علاوہ ہو جب تک کہ وہ خطبہ دیتا رہے۔
ذرا غور تو کرو کہ مقتدیوں کو نماز میں کلام ممنوع ہے اور امام کو خطبہ میں وہ کلام ممنوع ہے جو خطبہ کے علاوہ ہو۔