٢١٣٣: ابن شہاب کہتے ہیں کہ ثعلبہ بن ابی مالک قرظی نے بیان کیا کہ امام کا منبر پر بیٹھنا نماز کو منقطع کردیتا ہے اور اس کا کلام کلام کو منقطع کردیتا ہے ثعلبہ کہتے ہیں کہ لوگ حضرت عمر (رض) کے منبر پر بیٹھنے اور مؤذن کے خاموش ہونے تک بات کرتے جب منبر پر کھڑے ہوجاتے تو اس وقت کوئی بھی بات نہ کرتا یہاں تک کہ وہ اپنے دونوں خطبوں سے فارغ ہوجاتے پھر جب عمر (رض) منبر سے اترتے اور خطبہ پورا کرلیتے تو لوگ بات کرتے۔
تخریج : ابن ابی شیبہ ١؍٤٥٨۔