٢١٤٣: عطاء بن یسار نے حضرت ابوہریرہ (رض) انھوں نے نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔ امام طحاوی (رح) فرماتے ہیں کچھ علماء نے اس روایت پر عمل کرتے ہوئے اس کو ناپسند قرار دیا کہ جو شخص ایسے وقت سنت فجر ادا کرے جب کہ امام نماز فجر شروع کرچکا ہو۔ دوسرے علماء نے فرمایا کہ اگر امام کے ساتھ دو رکعت فرض چھوٹنے کا خطرہ نہ ہو تو صفوف سے الگ ان رکعات کی ادائیگی میں چندا حرج نہیں۔ اوّل قول والوں کے خلاف ان کی دلیل یہ ہے کہ انھوں نے جس روایت کو اپنا مستدل بنایا وہ حضرت ابوہریرہ (رض) کا قول ہے ‘ جناب رسول اللہ (صلی اللہ علیہ وآلہ وسلم) کا ارشاد نہیں۔ حفاظِ حدیث نے عمرو بن دینار سے اسے موقوف نقل کیا ہے جو درج ذیل ہے۔
روایت کا اجمالی جواب :
یہ روایت صرف زکریا بن اسحاق سے مرفوع نقل کی ہے باقی حماد بن سلمہ وغیرہ حفاظ حدیث نے اس کو موقوف نقل کیا ہے پس موقوف روایت کو اختلافی مسائل میں بطور حجت پیش نہیں کیا جاسکتا یہ گویا کلام ابوہریرہ (رض) ہے اور عمرو بن دینار نے اسی طرح ہی موقوف نقل کیا ہے۔
نمبر 2: اصحاب رسول اللہ (صلی اللہ علیہ وآلہ وسلم) کی ایک بڑی جماعت نے اس روایت کی مخالفت کی ہے جیسا کہ ہم عنقریب نقل کریں گے اگر مرفوع روایت ہوتی تو وہ مخالفت نہ کرتے بقیہ اجتہاد میں تو دوسرے کا اجتہاد مختلف ہوسکتا ہے۔
موقوف روایت یہ ہے۔