٢١٥٣: عاصم احول کہتے ہیں کہ عبداللہ بن سرجس (رض) سے روایت ہے کہ ایک آدمی جناب رسول اللہ (صلی اللہ علیہ وآلہ وسلم) کی خدمت میں آیا اس وقت جناب رسول اللہ (صلی اللہ علیہ وآلہ وسلم) نماز صبح میں مصروف تھے پس اس نے دو رکعت نماز ادا کی (حماد بن سلمہ کی روایت میں خلف الناس کا لفظ بھی ہے) پھر جناب نبی اکرم (صلی اللہ علیہ وآلہ وسلم) کے ساتھ نماز میں داخل ہوگیا پس جب جناب نبی اکرم (صلی اللہ علیہ وآلہ وسلم) اپنی نماز سے فارغ ہوئے تو فرمایا اے فلاں ! کیا تم نے وہ نماز جو ہمارے ساتھ پڑھی ہے وہ اپنی نماز قرار دی ہے یا وہ جو اکیلے پڑھی ہے اس کو اپنی نماز قرار دیا ہے ؟
تخریج : مسلم فی المسافرین نمبر ٦٧‘ ابو داؤد فی التطوع باب ٥‘ نمبر ١٢٦٥۔