٢١٦٣: زید بن اسلم نے ابن عمر (رض) سے روایت کی ہے کہ حضرت ابن عمر (رض) ایسے وقت آئے جبکہ امام صبح کی نماز پڑھا رہا تھا اور نماز فجر سے پہلے انھوں نے صبح کی سنتیں نہ پڑھی تھیں پس آپ نے حضرت حفصہ (رض) کے حجرہ میں ادا فرمائیں۔ پھر امام کے ساتھ نماز پڑھی۔ یہ روایت بتلا رہی ہے کہ حضرت ابن عمر (رض) ان نوافل کو مسجد میں ادا کیا کیونکہ حضرت حفصہ (رض) کا حجرہ مبارکہ مسجد سے ہے۔ یہ روایت حضرت ابن عباس (رض) والی روایت کے موافق ہے۔
حاصل روایات : یہ ہے کہ حضرت ابن عمر (رض) نے جماعت کا پتہ چل جانے کے باوجود حجرہ حفصہ (رض) میں نماز ادا کی اور پھر جماعت میں شرکت کی یہ دلیل ہے کہ جماعت شروع ہوجانے پر سنت ادا کرنے میں حرج نہیں۔