٢١٧٩: سالم بن عبداللہ بیان کرتے ہیں کہ حضرت عبداللہ بن عمر (رض) نے کہا کہ عمر (رض) نے ایک آدمی کو دیکھا کہ وہ کپڑے میں لپٹ کر نماز پڑھ رہا ہے۔ حضرت عمر (رض) نے اس سے دریافت کیا جبکہ اس نے سلام پھیرلیا ایک کپڑے میں لپٹ کر ہرگز نماز مت پڑھا کرو یہود کی مشابہت مت کرو اگر تمہارے پاس ایک ہی کپڑا ہو تو اس کو بطور ازار باندھ لو۔ یہ سالم ہیں جو نافع سے زیادہ حافظ ‘ ضابط ہیں۔ انھوں نے یہ ابن عمر (رض) کی وساطت سے حضرت عمر (رض) سے موقوف نقل کی ہے جناب رسول اللہ (صلی اللہ علیہ وآلہ وسلم) سے مرفوع نہیں۔ پھر یہ اثر عمر (رض) ہے ‘ـ حدیث نبوی نہیں ہے اور امام مالک (رح) نے اسے ابن عمر (رض) کے قول کے طور پر نقل کیا اور اس کو مرفوع روایت یا قول عمر (رض) بھی قرار نہیں دیا۔
تخریج : ابن ابی شیبہ ١؍٢٧٨۔
لیجئے : یہ سالم بن عبداللہ جو کہ نافع سے زیادہ احفظ و اثبت ہیں وہ اس کو عمر (رض) سے بیان کر رہے ہیں نہ کہ جناب نبی اکرم (صلی اللہ علیہ وآلہ وسلم) سے پس اس کا موقوف ہونا ثابت و ظاہر ہوگیا۔
بلکہ امام مالک نے اس کو ابن عمر (رض) سے بیان کیا ہے اس کو جناب عمر (رض) یا جناب رسول اللہ (صلی اللہ علیہ وآلہ وسلم) کی طرف بھی منسوب نہیں کیا (جس سے اس کا قول ابن عمر (رض) ہونا ظاہر ہوتا ہے۔
روایت مؤطا یہ ہے۔