٢٢١٥: ابن جریر نے حضرت ابوہریرہ (رض) انھوں نے جناب نبی اکرم (صلی اللہ علیہ وآلہ وسلم) سے کہ تم میں سے کوئی آدمی ایک کپڑے میں نماز پڑھے تو اسے اس چادر کا کچھ حصہ اپنے دونوں کندھوں پر ڈالنا چاہیے۔ جناب ابو الزناد والی روایت میں جناب رسول اللہ (صلی اللہ علیہ وآلہ وسلم) نے ایک کپڑے کو بطور ازار باندھ کر نماز سے منع فرمایا ہے اور بات کی بھی ممانعت ہے کہ اکیلے پاجامے میں نماز پڑھے جبکہ اس پر اور کپڑا نہ ہو۔
تخریج : بخاری فی الصلاۃ باب ٤‘ ابو داؤد فی الصلاۃ باب ٧٧‘ نسائی فی القبلہ باب ١٤‘ ابن ماجہ فی الاقامہ باب ٦٩‘ موطا مالک نمبر ٢٩‘ مسند احمد ٢؍٢٥٥‘ ٣‘ ١٠؍١٥۔
حاصل روایات : ابی الزناد والی روایت نمبر ٢٢١٢ میں ایک کپڑے کو بطور ازار کے باندھ کر نماز پڑھنے سے منع فرمایا اور ایک روایت میں یہ بھی وارد ہے کہ آپ (صلی اللہ علیہ وآلہ وسلم) نے تنہا سراویل میں نماز سے منع فرمایا جبکہ اس پر کوئی دوسرا کپڑا نہ ہو اور روایت نمبر ٢٢١٥ میں کندھوں پر ڈالنے کے بغیر نماز سے منع فرمایا گیا۔