٢٢٢١: نافع نے حضرت ابن عمر (رض) سے روایت کیا ہے کہ جناب رسول اللہ (صلی اللہ علیہ وآلہ وسلم) نے سات مقامات پر نماز سے منع فرمایا ہے نمبر ١ کوڑی نمبر ٢ مذبح خانہ نمبر ٣ قبرستان میں نمبر ٤ راستہ کے درمیان نمبر ٥ حمام میں نمبر ٦ اونٹوں کے باڑے میں نمبر ٧ بیت اللہ کی چھت پر۔
تخریج : ترمذی فی الصلاۃ باب ١٤١‘ ابن ماجہ فی المساجد باب ٤۔
خلاصہ الزام :
نمبر 1: اونٹوں کے باڑے میں نماز کو امام احمد ‘ اسحاق ‘ حسن بصری (رح) مکروہ تحریمی کہتے ہیں۔
نمبر 2: بقیہ ائمہ ثلاثہ اور جمہور علماء اس کو جائز قرار دیتے ہیں۔
فریق اوّل کا مؤقف اور دلائل : اونٹوں کے باڑے میں نماز مکروہ تحریمی ہے جائز نہیں۔ دلیل یہ روایات ہیں۔