٢٢٢٣: عبدالرحمن بن ابی لیلیٰ نے حضرت براء بن عازب (رض) سے روایت ہے کہ ایک آدمی نے جناب نبی اکرم (صلی اللہ علیہ وآلہ وسلم) سے سوال کیا بکریوں کے باڑے میں نماز پڑھ سکتا ہوں ؟ آپ نے ہاں میں جواب دیا۔ اس نے پوچھا کیا ہم ان کا گوشت کھا کر وضو کریں ؟ فرمایا نہیں۔ اس نے سوال کیا کیا اونٹوں کے باڑے میں نماز پڑھ سکتے ہیں ؟ فرمایا نہیں۔ اس نے سوال کیا ان کا گوشت کھا کر وضو کریں ؟ فرمایا جی ہاں۔
تخریج : مسلم فی الحیض نمبر ٩٧‘ ابو داؤد فی الطہارۃ باب ٧١‘ ترمذی فی الصلاۃ باب ١٤٢‘ ابن ماجہ فی المساجد باب ١٢‘ دارمی فی الصلاۃ باب ١١٢‘ مسند احمد ٢؍٤٥١۔