٢٢٣٥: ہشیم نے ابی بشر سے بھی اس طرح اپنی اسناد سے روایت بیان کی ہے۔ اس کی روایت کی اصل یہ ہے۔ اس طرح نہیں کہ عبداللہ بن صالح نے نقل کیا ہے کہ آپ نے اگلے دن عید کے لیے نکلنے کا حکم دیا۔ اس میں یہ احتمال بھی ہے کہ ان کو دعا کے لیے جمع کرنا مقصود ہو۔ یا تاکہ کفار کے سامنے مسلمانوں کی کثرت کو ظاہر کیا جائے اور دشمن کے دل میں رعب بیٹھے۔ اس بناء پر جمع کا حکم نہیں دیا کہ وہ نماز پڑھی جائے جیسے عید کی پڑھی جاتی ہے اور ہم دیکھتے ہیں نماز عید کی دعا میں ایسے لوگوں نفسائ ‘ حیض وغیرہ کو بھی آنے کا حکم دیا گیا ہے۔ ذیل کی روایت دیکھیں۔
یہ اس روایت کی اصل ہے جو ہم نے نقل کردی اس طرح نہیں جیسا عبداللہ بن صالح سے فریق اوّل نے نقل کی ہے آپ نے ان کو اگلے دن عید کے لیے نکلنے کا حکم فرمایا۔
تاویل : اس کی یہ تاویل ہوسکتی ہے۔
نمبر 1: دعا کے لیے جمع ہونا مراد ہو۔
نمبر 2: کثرت ظاہر کرنا مقصود ہو تاکہ دشمن کو ان کی کثرت معلوم ہو یہ مقصود نہیں کہ وہ عید کی نماز کے لیے نکلیں۔ کیونکہ عید گاہ کی طرف ان کو بھی نکلنے کا حکم بغیر نماز لازم نہیں۔ روایت ملاحظہ ہو۔