٢٢٤٦: نافع نے ابن عمر (رض) سے روایت کیا کہ جناب رسول اللہ (صلی اللہ علیہ وآلہ وسلم) فتح مکہ کے دن مکہ میں داخل ہوئے اسامہ بن زید آپ کے پیچھے سوار تھے اور آپ نے بیت اللہ کے سایہ میں اپنی اونٹنی کو بٹھایا ابن عمر (رض) کہتے ہیں میں لوگوں میں پہلے آیا جبکہ جناب رسول اللہ (صلی اللہ علیہ وآلہ وسلم) اور بلال اور اسامہ بیت اللہ میں داخل ہوچکے تھے میں نے دروازے کے پیچھے سے بلال سے پوچھا کہ جناب رسول اللہ (صلی اللہ علیہ وآلہ وسلم) نے کہاں نماز ادا کی ؟ انھوں نے بتلایا تمہارے سامنے دو ستونوں کے درمیان میں نماز ادا فرمائی۔
تخریج : مسلم فی الحج نمبر ٣٩٠۔