٢٢٦٨: حسن نے ابو بکرہ (رض) سے نقل کیا کہ ابو بکرہ (رض) نے صف سے الگ رکوع کیا تو ان کو جناب نبی اکرم (صلی اللہ علیہ وآلہ وسلم) نے فرمایا اللہ تعالیٰ تیری جماعت کی حرص میں اضافہ کرے تو دوبارہ ایسا نہ کرنا۔ امام طحاوی (رح) فرماتے ہیں : اس روایت میں یہ ہے کہ اس نے صف سے پہلے رکوع کرلیا تھا۔ مگر آپ (صلی اللہ علیہ وآلہ وسلم) نے اس کو نماز لوٹانے کا حکم نہیں دیا۔ پس اگر صف کے پیچھے اکیلے نماز پڑھنے والے کی نماز نہ ہوتی تو نماز میں صف کے پیچھے داخل ہونے والا نماز میں داخل نہ قرار دیا جاتا۔ کیا تم غور نہیں کرتے کہ جو شخص گندگی والی جگہ نماز پڑھے اس کی نماز فاسد ہے اور جو شخص گندی جگہ نماز شروع کر کے پھر ستھری جگہ منتقل ہوجائے اس کی نماز بھی فاسد ہے۔ پس ہر وہ شخص جس نے نماز کو ایسی جگہ میں شروع کیا تو اسے جائز نہیں کہ وہ اس میں نماز کو اس کے کمال کے ساتھ ادا کرسکے۔ وہ نماز میں داخل شمار نہ ہوگا۔ پس جب حضرت ابوبکرہ (رض) کا صف میں پہنچنے سے پہلے نماز میں داخلہ درست داخلہ تھا تو نمازی کی تمام نماز صف سے پہلے درست نماز ثابت ہوگئی۔ اگر کوئی یہ اعتراض کرے کہ ” ولا تَعُد “ کا کیا مطلب ہے۔ تو اس کے جواب میں کہا جائے گا۔ ہمارے ہاں اس کے دو معنی ہیں : (١) صف میں داخلہ سے پہلے رکوع کرنے والی حرکت آئندہ مت کرنا جب تک کہ تم صف میں نہ پہنچ جاؤ۔ جیسا کہ ان سے حضرت ابوہریرہ (رض) نے روایت کیا ہے ملاحظہ ہو۔
: نمبر ٢٢٦٦ کو ملاحظہ کریں۔
حاصل روایات : ارشاد میں آپ (صلی اللہ علیہ وآلہ وسلم) نے اکیلے رکوع کرنے والے اور صف سے الگ نماز شروع کرنے والے کو نماز لوٹانے کا حکم نہ دیا بلکہ آئندہ ایسا نہ کرنے کی تاکید فرمائی اگر صف سے الگ نیت باندھنا نماز کو باطل کرتا ہے تو جو صف سے دور نماز میں داخل ہونے والا ہے اس کی نماز سرے سے شروع نہ ہونی چاہیے حالانکہ ان کو آپ نے ایسی حرکت دوبارہ نہ کرنے کا حکم دیا۔ اعادہ صلوۃ کا حکم نہیں اس کے لیے قرینہ ان کے شوق جماعت کو آپ نے سراہا اگر وہ داخل نماز ہی نہ ہوتا تو صاف کہہ دیا جاتا جیسا کہ گندی جگہ نماز پڑھنے والے کی نماز کو فاسد قرار دیا گیا۔ اگرچہ وہ پلید جگہ شروع کر کے پاک جگہ منتقل ہوجائے کیونکہ جہاں نماز نہ ہوسکتی ہو اگرچہ وہ بظاہر نماز میں داخل بھی ہوجائے تب بھی وہ نماز میں داخل شمار نہیں ہوتا۔
پس جب جناب ابو بکرہ (رض) کا صف سے الگ نماز میں داخل ہونا صحیح قرار دیا گیا تو صف سے پیچھے دوسری صف میں نماز پڑھنے والے کی ساری نماز ہی درست ہونی چاہیے کیونکہ ابتداء نماز درست ہے تو بناء صلوۃ بھی یقیناً درست ہے۔
اعتراض :
لاتعد۔ یہ اعادہ سے نہ لیا جائے بلکہ عدٰی یعدو۔ (دوڑنا) سے لیا جائے کہ نماز کے لیے مت دوڑو تب آپ کے جواب کی بنیاد ہی ختم ہوگئی۔
ازالہ :
جناب توجہ فرمائیں۔
نمبر 8 اعادہ والا معنی لیں تو پھر روایت کا مفہوم روایت ابوہریرہ (رض) والا ہے کہ صف میں پہنچنے سے پہلے رکوع کرنے والی حرکت دوبارہ مت کرنا صف میں پہنچ کر نماز میں شامل ہو۔
روایت ابوہریرہ (رض) یہ ہے۔