٢٢٩٢: ابو رجاء عطاردی کہتے ہیں کہ ہمیں حضرت عمران بن حصین (رض) نے بیان فرمایا کہ ایک رات ہم جناب رسول اللہ (صلی اللہ علیہ وآلہ وسلم) کے ساتھ چلتے رہے اور صبح کے وقت ہم ایک جگہ رکے ہمیں سورج کی گرمی نے جگایا پس جب رسول اللہ (صلی اللہ علیہ وآلہ وسلم) بیدار ہوئے تو صحابہ نے گزارش کی یارسول اللہ (صلی اللہ علیہ وآلہ وسلم) ہماری تو نماز جاتی رہی جناب رسول اللہ (صلی اللہ علیہ وآلہ وسلم) نے فرمایا تمہاری نماز نہیں گئی یہاں سے کوچ کرو پس کوچ کر کے قریب ہی ٹھہرے پھر سواری سے اتر کر آپ نے نماز پڑھائی۔
: مسلم فی المساجد حدیث نمبر ٣١٣۔