٢٢٩٤: حصین (رض) بن عبدالرحمن نے ابو قتادہ (رض) سے انھوں نے اپنے والد سے نقل کیا کہ جناب رسول اللہ (صلی اللہ علیہ وآلہ وسلم) ہمیں رات کو ایک غزوہ میں خوب چلایا بعض لوگوں نے درمیان سے کہا کہ اگر آپ قیام کرلیں تو بہتر ہے آپ نے فرمایا کہ مجھے خطرہ ہے کہ تم نماز سے سو جاؤ گے بلال (رض) کہنے لگے کہ میں تم کو جگاؤں گا پس لوگ اتر پڑے اور لیٹ گئے بلال نے اپنی پشت کو کجاوے کے ساتھ لگایا اور ان پر بھی نیند طاری کردی گئی پس لوگ اس وقت بیدار ہوئے جب سورج کا کنارہ طلوع ہوچکا تھا جناب رسول اللہ (صلی اللہ علیہ وآلہ وسلم) نے فرمایا اے بلال (رض) تمہاری وہ بات کہاں گئی جو تم نے کہی تھی ؟ انھوں نے کہا یارسول اللہ (صلی اللہ علیہ وآلہ وسلم) اللہ تعالیٰ جب چاہتے ہیں تمہاری ارواح کو قبض کرلیتے ہیں اور جب چاہتے ہیں تمہاری طرف لوٹا دیتے ہیں لوگوں نے نماز کی اجازت مانگی آپ نے ان کو اجازت دے دی پس انھوں نے وضو کیا جب سورج بلند ہوا تو جناب رسول اللہ (صلی اللہ علیہ وآلہ وسلم) نے فجر کی دو رکعت پڑھی اور فجر کی نماز پڑھائی۔
: بخاری فی المواقیت باب ٣٥‘ نسائی فی الاقامہ باب ٤٧‘ مسند احمد ٥؍٣٠٧۔