٢٣٣٧: شعبہ نے معبد بن خالد سے انھوں نے زید بن عقبہ فزاری سے پھر انھوں نے اپنی اسناد سے روایت نقل کی ہے۔ بعض علماء اس طرف گئے ہیں کہ یہ دو سورتیں وہ جن کو نماز عیدین اور جمعہ میں فاتحہ الکتاب کے ساتھ پڑھنا چاہیے اور ان کے علاوہ اور سورت نہ پڑھے انھوں نے ان آثار کو دلیل بنایا۔ دوسرے علماء نے ان سے اختلاف کرتے ہوئے کہا کہ ان نمازوں میں کوئی سورت متعین نہیں اور ان کے علاوہ کسی اور سورت کی قراءت میں کچھ حرج نہیں ‘ بلکہ امام ان دونوں کو بھی پڑھے اور ان کے علاوہ کو بھی پڑھ سکتا ہے۔ ان کی دلیل یہ روایات ہیں۔
حاصل روایات : ان آثار سے جب آپ کا مسلسل پڑھنا ثابت ہوا تو اب انہی سورتوں کو عیدین و جمعہ میں پڑھنا چاہیے اور دوسروں کی طرف تجاوز نہ کرنا چاہیے ورنہ سنت کی ادائیگی نہ ہوگی۔
مؤقف فریق ثانی اور دلائل : کسی سورت کی تخصیص کسی نماز کے لیے نہیں ہے کہ اس کی بجائے اور نہ پڑھ سکتا ہو بلکہ جو مذکور ہیں وہ بھی پڑھے اور دیگر بھی پڑھے۔ دلائل میں اگلی روایات ملاحظہ ہیں۔