٢٣٥٩: ابو نضرہ روایت کرتے ہیں کہ ایک نوجوان نے عمران بن حصین (رض) سے جناب رسول اللہ (صلی اللہ علیہ وآلہ وسلم) کی نماز سفر کے متعلق دریافت کیا تو آپ موضع عوفہ کی طرف مڑ گئے اور فرمایا اس نوجوان نے مجھ سے جناب رسول اللہ (صلی اللہ علیہ وآلہ وسلم) کی نماز سفر کے سلسلہ میں سوال کیا ہے تم سب اس کو مجھ سے محفوظ کرلو جناب رسول اللہ (صلی اللہ علیہ وآلہ وسلم) نے ہر سفر میں دو رکعت نماز ادا کی ہے جب تک کہ واپسی نہیں ہوتی تھی آپ نے مکہ میں ایام فتح میں اٹھارہ روز قیام فرمایا اور نماز دو رکعت ادا فرمائی پھر آپ نے فرمایا اے اہل مکہ ! اٹھو اور دو پچھلی رکعتیں ادا کرلو ہم تو مسافر ہیں پھر آپ نے حنین و طائف کا غزوہ کیا تو دو دو رکعت نماز ادا فرماتے رہے پھر آپ جعرانہ کی طرف لوٹے تو وہاں ذی القعدہ میں عمرہ فرمایا پھر میں نے حضرت ابوبکر (رض) کے ساتھ غزوات میں شرکت کی اور حضرت عمر (رض) کے ساتھ عمرے ادا کئے انھوں نے دو رکعت نماز ادا فرمائی اور عثمان (رض) کے ساتھ شروع خلافت میں دو رکعت ادا کی پھر عثمان (رض) اس کے بعد منیٰ میں چار پڑھنے لگے۔
تخریج : ابو داؤد فی السفر باب ١٠‘ نمبر ١٢٢٩‘ ترمذی فی ابواب اسفر باب ٣٩‘ نمبر ٥٤٥۔