٢٣٦ : رافع بن خدیج نقل کرتے ہیں علی مرتضی (رض) نے عمار (رض) کو کہا کہ وہ جناب سول اللہ (صلی اللہ علیہ وآلہ وسلم) سے مذی کا حکم دریافت کرلے۔ چنانچہ دریافت کرنے پر آپ (صلی اللہ علیہ وآلہ وسلم) نے فرمایا کہ اپنے مزاکیرکو دھو ڈالے اور وضو کرلے۔ امام طحاوی (رح) فرماتے ہیں کہ جب کسی آدمی کو مذی آجائے یا پیشاب کی حالت ہو تو اسے اعضاء تناسل کا دھو لینا ضروری ہے۔ انھوں نے مذکورہ بالا روایت سے استدلال کیا ہے۔ علماء کی دوسری جماعت نے ان کی مخالفت کرتے ہوئے کہا کہ جناب نبی اکرم (صلی اللہ علیہ وآلہ وسلم) کے اس ارشاد سے اعضاء تناسل کے دھونے سے وجوب ثابت نہیں ہوتا بلکہ منی کو نکلنے سے روکنے کا طریقہ ذکر کیا گیا ہے۔ اس کی نظیر وہ حکم ہے جس کا مسلمانوں کو ہدی کے سلسلے میں جبکہ وہ دودھ والا جانور ہو حکم دیا گیا کہ اس کے تھنوں پر ٹھنڈا پانی چھڑکا جائے تاکہ دودھ نکلنے سے رک جائے اور ہماری اس بات کے ثبوت میں مندرجہ ذیل آثار شاہد ہیں۔
تخریج : نسائی فی الطھارۃ ١؍٣٦‘ باب ١١١ المعجم الکبیرالطبرانی ١؍٢٨٥
اس اثر کو دلیل بنا کر کہا گیا کہ جب مذی آئے یا پیشاب کیا جائے تو مزاکیر کو مکمل دھونا واجب ہے۔
جواب : امام طحاوی (رح) کہتے ہیں کہ مزاکیہ کے دھونے کا حکم اس طور پر واجب نہ تھا کہ اس سے مذی نکلی ہے بلکہ انقطاع مذی اور مزاکیر کے سکیڑنے کے لیے یہ حکم کیا گیا اس کی نظیر موجود ہے کہ جب ہدی و قربانی کا جانور دودھ والا ہو تو مالک کو تھنوں پر پانی چھڑکنا چاہیے تاکہ تھن سکڑ جائیں اور دودھ منقطع ہوجائے یہ بھی اسی طرح ہے تاکہ مذی کا نکلنا رک جائے۔
جمہور اہلسنّت کے ہاں منی ناپاک ہے ائمہ ثلاثہ کے ہاں اس سے پاکیزگی کے لیے چھینٹے اور دھونا تجویز کیا جبکہ احناف دھونے اور ڈھیلے دونوں سے پاک ہونے کے قائل ہیں اس باب میں بتلاتے ہیں کہ بعض ائمہ یعنی امام مالک ابن حنبل (رح) کے ہاں خروج مذی کے بعد قضیب اور خصیتین دونوں کو دھونا ضروری ہے اور احناف و شوافع صرف موضع نجاست کے دھونے کو کافی قرار دیتے ہیں۔