٢٤٦ : عبید بن السباق نے حضرت سہل بن حنیف (رض) سے روایت نقل کی ہے کہ میں نے جناب نبی اکرم (صلی اللہ علیہ وآلہ وسلم) سے مذی کے متعلق سوال کیا تو آپ نے ارشاد فرمایا اس میں وضو لازم ہے۔ پس آپ نے اس بات کی اطلاع دی کہ جو چیز اس میں لازم ہے وہ وضو ہے اور اس سے اس بات کی نفی ہوجاتی ہے کہ اس پر وضو کے علاوہ کوئی چیز ہو اور اگر کوئی یہ اعتراض کرے کہ حضرت عمر (رض) سے تو ایسی روایت آئی ہے جو پہلے حضرات کے موافق ہے۔
تخریج : ابو داؤد فی الطھارۃ باب ٥٥‘ روایت ٢١٠‘ ترمذی فی الطھارۃ باب ٨٣‘ روایت ١١٥‘ ابن ماجہ فی الطھارۃ باب ٧٠‘ روایت ٥٠٦‘ دارمی فی الوضوء باب ٤٩‘ ابن شیبہ کتاب الطھارۃ ١؍٩١
امام طحاوی (رح) کہتے ہیں اس روایت سے یہ بات مزید واضح ہوگئی کہ مذی میں وضو ہی واجب ہے اور کوئی چیز واجب نہیں۔
ایک اشکال :
حضرت عمر فاروق (رض) کے فتویٰ میں شرمگاہ کے علاوہ خصیتین کا دھونا بھی مذکور ہے روایت یہ ہے۔