٢٥١٤: ابوالمہلب نے حضرت عمران بن حصین (رض) سے روایت کی ہے کہ آپ (صلی اللہ علیہ وآلہ وسلم) نے تین رکعت نماز ادا کی پھر حجرہ میں غصے سے داخل ہوئے تو خرباق نے کھڑے ہو کر کہا (یہ لمبے ہاتھوں والا آدمی تھا) یارسول اللہ (صلی اللہ علیہ وآلہ وسلم) ! کیا نماز کم ہوگئی راوی کہتے ہیں وہ اپنی چادر کو کھینچتے ہوئے نکلے اور آپ نے پوچھا تو آپ کو اس کی اطلاع دی گئی پھر آپ نے چھوڑی ہوئی رکعت پڑھی اور سلام پھیرا پھر دو سجدے کر کے سلام پھیرا۔
تخریج : بخاری فی الصلاۃ باب ٨٨‘ الاذان باب ٦٩‘ السہو باب ٤‘ الادب باب ٤٥‘ الیمان باب ١٥‘ الاحاد باب ١‘ مسلم فی المساجد ٩٧‘ ابو داؤد فی الصلاۃ باب ١٨٩‘ ترمذی فی الصلاۃ باب ١٧٥‘ مالک فی الندار ٥٨‘ مسند احمد ٢؍٧٧۔